О преподобне и Богоносне отче наш Иоанне! Верою припадаем тебе, помощниче наш дивний и скорый услышателю, не премолчи о нас молитися ко Господу Богу и Троице покланяемому и славимому, да милостиво призрев на ны, не попустит нам погибнути во гресех наших, но да возставит нас, и да подаст исправление злому окаянному нашему житию, от грядущих грехопадений восхищая, и да простит нам вся, елико согрешихом от рождения и до сего часа. Испросй нам у Создателя нашего великия и богатыя дары благости Его: земле плодоносие, воздуха благорастворение, мир во днех наших, веры Православныя утверждение, болящим здравие, скорбящим утешение, унивающим ободрение, бедствующим призрения, убогим снабдения, подвизающимся преуспеяние, умирающим благую христианскую кончину и всем православным христианам познание благодати Божией и вечное о Господе спасение. Аминь.