О, Пресвятая Госпоже, Царице небесе и земли, Преблагословенная Мати Христа Бога нашего! С верою и любовию молитвенно прибегаем мы недостойнии к Тебе, Пречистая Заступнице наша. Ты ecи Покровительнице града нашего Мариуполя и всея Приазовския земли благословение. Твой бо образ святый, чудесно явленный некогда в каменных горах Крымских, избави люди греческия от страшных бедствий змия великаго, пожиравшаго скоты и вся окрест живущих, и избави и нас от вредоносных козней диавольских, от враг видимых и невидимых, от напастей, скорбей и болезней, и всякого зла. Ты еси Путеводительнице благая, путь спасения верным указующая. Твой бо образ святый принесеся от гор Крымских во основание града нашего Мариуполя святителем Игнатием, и яко светильник пресветлый просвети верою православною вся живущий в нем. Ты еси воистину Богородице всепетая, яко вся Тебе возможна суть, и елика аще восхощеши, власть имаши вся совершити. Никтоже бо притекаяй к Тебе, пред образом сим моляшеся посрамлен отходит, но просит благодати и приемлет милость по благому изволению во спасение душ и телес. О, Всемилостивая Мати, Мариупольское похвало и наше Заступление! Тебе единей от Всевышняго дадеся власть во всем заступати и спасати нас: Ты еси верное и скорое врачевство греховных страстей наших. От Тебе Господь всяко слово прошения приемлет, Тебе вси ангели и архангели и вся начала смиренно служат, и яко Царицу небесную вси восхваляют. Ты отверзла ecu верным двери Царствия Небеснаго, - отверзи н нам, чрез наше искреннее покаяние двери спасения душ наших. Яви нам богатую помощь Твою и благопоспеши во всяком деле блазе: от всякаго же начинания греховнаго и помышления лукавого отврати нас, озари наш ум светом истиннаго Богопознания, согрей сердца наша любовию Христовою и подаждь нам, ВСЕБЛАГАЯ, вся полезная ко спасению. Не престай молитися о нас недостойных рабов Твоих славящих Тя и почитающих Тя, н покланяющихся со умилением Пречистому образу Твоему. Да Твоим предстательством соблюдаеми и покровом Твоим осеняеми, прославим Господа и Спаса нашего Иисуса Христа, со Безначальным Отцем и Пресвятым и благим и животворящим Его Духом, ныне и присно и во веки веков. АМИНЬ.